Лондоннинг “Арсенал” клуби бош мураббийи Микель Артета Англия Премьер-лигасининг 15-туридан ўрин олган “Челси”га қарши ўйинда (1:0) жамоасини ғалабага етаклади. 40 ёшли мутахассис учун бу жамоа бошқарувидаги 150 учрашувдаги 87-ғалаба бўлди. Бу кўрсаткич бўйича у "Арсенал"нинг энг яхши мураббийи ҳисобланади: бу рейтингда иккинчи ўринни эгаллаб турган Арсен Венгер ҳисобида 82 та ғалаба бор. Жорж Грэм ҳам худди шундай ғалабаларга эга (82).
Артета 2011 йилдан 2016 йилгача "Арсенал" футболчиси бўлиб, нафақага чиққан. Кейинчалик у "Манчестер Сити"да Хосеп Гвардиоланинг мураббийлар штабига кирди ва 2019 йилнинг декабридан бошлаб "Арсенал"да якка ўзи фаолият бошлади.
Жорий мавсумда унинг қўл остидаги жамоа Англия чемпионатининг 13та учрашувида 34 очко жамғариб, турнир жадвалида биринчи ўринни эгаллаб турибди. Иккинчи ўринда "Манчестер Сити" (32) жойлашган.
