“Бавария” ҳужумчиси Кингсли Коман ЕЧЛ 1/8 финал босқичига қуръа ташлаш натижаларини сарҳисоб қилди. “Бавария” бу босқичда “ПСЖ” билан ўйнайди.
“Бу финал бўлиши мумкин. Лекин ҳаммаси жойида, биз ҳамма нарсани қандай бўлса шундай қабул қилишимиз керак. Биз ўзига хос хусусиятга эга жуда кучли рақибга қарши майдонга чиқамиз. 2020 йил финалида биз ғалаба қозондик, 2021 йилда чорак финалда бироз муваффақиятсизликка учрадик, энди навбат яна бизда”, - дея Коман сўзларидан иқтибос келтиради Tuttosport.
Биринчи ўйин 2023 йилнинг 14 февралида Францияда, жавоб ўйини 8-март куни Германияда бўлиб ўтади.
