"Милан"нинг техник директори Паоло Мальдини 2022 йилги "Европанинг энг яхши мураббийи" номинациясида ғолиб чиқди, деб хабар беради Италия клуби матбуот хизмати.
Эслатиб ўтамиз, 54 ёшли Мальдини футболчи бўлганида бутун фаолиятини "Милан"да ўтказган, 1985 йилдан 2009 йилгача унинг таркибида фаол ўйнаган. 2018 йилнинг августида Малдини клубни ривожлантириш директори этиб тайинланган, бир йилдан сўнг эса техник директор лавозимини эгаллаган.
Жорий мавсумда лиганинг 13 ўйинида 29 очко тўплаган “Милан” турнир жадвалида пешқадам “Наполи”дан 6 очко ортда қолиб, иккинчи ўринда бормоқда. Ўтган мавсумда Стефано Пиоли шогирдлари 11 йил ичида илк бор мамлакат чемпионлигини қўлга киритди.
