Fenway Sports Group раҳбари ва "Ливерпуль" хўжайини Жон Анри клубни қайси суммага сотишга тайёрлигини айтди, деб хабар беради Mirror.
Қайд этилишича, америкалик 4,6 миллиард евро эвазига жамоа билан хайрлашишга тайёр. Маълум қилинишича, хўжайинлар аллақачон “Ливерпуль”ни сотиб олиш бўйича биринчи таклифни олган. Потенциал харидор ким эканлиги номаълум. Мумкин бўлган янги эгалар орасида RedBird Capital Partners компанияси, Яқин Шарқдан манфаатдор томонлар ва инглиз тадбиркори Жим Рэтклифф бор.
Жон Анри "Ливерпуль"ни 2010 йилда сотиб олган. Унинг бошқаруви даврида клуб Чемпионлар Лигаси (2019), Англия Премьер-лигаси (2020), УЕФА Суперкубоги (2019), Англия Кубоги (2022), Англия Суперкубоги (2022), Англия Лигаси кубоги соҳиби бўлган.