Мадриднинг “Атлетико” клуби ҳужумчи Матеус Кунья бўйича таклифларни тинглашга тайёр, дея хабар беради GOAL.
Агар қишки трансфер ойнасида клубга 23 ёшли бразилиялик футболчини сотиб олиш имконияти билан, тахминан 35 миллион еврога сотиш ёки ижарага бериш таклиф қилинса, клуб бу таклифни ўрганиб чиқади.
Мадридликлар футболчини 2021 йилнинг ёзида 26 миллион еврога "Герта"дан сотиб олганди.
Жорий мавсумда футболчи 16 учрашувда 2 та голли узатмани амалга оширди.













