"Манчестер Юнайтед" дарвозабони Давид Де Хеа Европа лигаси плей-офф босқичида "Барселона"га қарши бўлажак қарама-қаршилик ҳақида гапирди.
“Биз “Барселона”да ажойиб жамоа борлигини биламиз ва улар яхши ўйнаяпти деб ўйлайман. Агар сиз Европа лигасида ғалаба қозонишни истасангиз, энг яхши жамоаларга қарши ўйнашга тайёр бўлишингиз керак ва "Барселона" улардан бири. Мухлислар учун яхши ўйин бўлади ва биз ҳар икки учрашувда ҳам ғалаба қозониш учун бор кучимиз билан ҳаракат қиламиз.
Ҳа, менимча, бу яхши синов бўлади. Лекин бу ўйинлар олдидан ҳали кўп вақтимиз бор. Шунинг учун биз бор эътиборимизни бошқа ўйинларга қаратишимиз керак”, - деди испаниялик дарвозабон клуб матбуот хизматига.
