"Ювентус" ва "Женоа" клубларининг собиқ ярим ҳимоячиси, ҳозирда Италияда истиқомат қилаётган ҳамюртимиз Илёс Зейтуллаев “РБ Спорт” нашрига берган интервьюсида Элдор Шомуродовнинг "Рома"даги келажаги ҳақида ҳақида гапирди.
"Шахсий фикрим: Элдор учун "Рома"да ўйнаш жуда катта шараф. Мен унга мавсумни "Рома"да якунлашни маслаҳат берган бўлардим. У асосий ўйинчи эмас, лекин майдонга тушади.
- Торино" ёки "Болонья"га кетиш – бу Элдор учун пасайишми? Ёки ўйнаш муҳимми?
- "Рома"да у яхши даражага етди. Мен мавсумни Римда якунлашни таклиф қилган бўлардим, лекин Моуриньодан Элдорга умид қиляптими, деб сўраш керак. Агар Моуриньо: "Элдор, ўзингга клуб топ", деса, албатта, "Болонья" ёки "Торино"га борган маъқул.
- Нима деб ўйлайсиз, "Рома"да Шомуродовга Абрахам, Белотти билан рақобатлашиш қийинми?
- Италияда "Рома"ни қўллаб-қувватлайдиган дўстларим бор. Уларга Шомуродов жуда ёқади. Улар у ҳақида жуда яхши гапиришади. Чиқса жанг қилади, ҳимояда ёрдам беради. Элдор нега кўп ўйнамайди деб ҳайрон бўлишади. Абрахам - майли, у "Челси"дан кўчиб ўтди, Дзаньолога Шомуродов рақобат қилиш бироз қийин. Аммо Белотти, Эл-Шааравидан ҳеч қандай ҳолатда кам эмас. Элдор камтар ва яхши инсон. Менимча, у курашни давом эттириши керак" - деди Зейтуллаев.
