"Милан"нинг португалиялик ҳужумчиси Рафаэл Леау, агар клуб ўз шартларини бажарса, Италия жамоаси билан шартномани узайтиришга тайёр. Daily Mail хабарига кўра, 23 ёшли футболчи "россонерилар"дан рекорд даражадаги маош сўрамоқда. Леау йилига камида 10 миллион евро олмоқчи.

Агар клуб раҳбарияти футболчи билан келиша олса, футболчининг маоши клуб тарихидаги энг юқори маош бўлади.

Португалиялик ва "Милан" ўртасидаги амалдаги келишув 2024 йилнинг ёзига қадар мўлжалланган.

Жорий мавсумда ҳужумчи итальян жамоаси сафида 19 та учрашувда иштирок этиб, 6 та гол урди ва 9 та голли узатмани амалга оширди.