Дортмунднинг “Боруссия” клуби ва Германия терма жамоаси ҳужумчиси Марко Ройс жаҳон чемпионатини ўтказиб юборади. Бу ҳақда Sky Sports хабар бермоқда. "Асаларилар" мураббийи Эдин Терзич аввалроқ Ройс кейинги ҳафта машғулотларга қайтишини айтди.
Манбага кўра, тўпиғидан олган жароҳати туфайли ҳужумчи Германия терма жамоасига жаҳон чемпионатида ёрдам бермайди. Ройс Германия чемпионати доирасидаги “Шальке”га қарши ўйиннинг 32-дақиқасида майдонга муваффақиятсиз тушиб, тўпиғини қайриб олган эди, шундан сўнг немис футболчини замбилда майдондан олиб чиқиб кетишди.
Жорий мавсумда Ройс Германия Бундеслигасида 7 та ўйинда майдонга тушиб, 2 та гол ва 2 та голли узатмани амалга оширди. Чемпионлар лигасида ярим ҳимоячи иккита ўйиндан кейин битта гол ва битта голли узатмага эга.
