"Айнтрахт" ярим ҳимоячиси Марио Гётце Германия терма жамоасининг ЖЧ-2022 учун сўнгги қайдномасига кириш ҳақидаги ҳис-туйғулари билан ўртоқлашди.
“Жаҳон чемпионатида яна иштирок этишимдан жуда хурсандман. Флик ва унинг мураббийлар жамоаси ишончи учун миннатдорман. Бу мен қилган барча машаққатли меҳнатимнинг мукофоти эканлигини ҳис қиляпман. Лекин бу менинг хотиним, оилам, ажойиб жамоадошларим ва мураббийларимсиз амалга ошмайди. Қўллаб-қувватлаганингиз учун раҳмат”, — деб ёзди 30 ёшли футболчи ижтимоий тармоқда.
Эслатиб ўтамиз, Гётце охирги марта Германия терма жамоасида 2017 йилда ўйнаган.
Футбол бўйича 2022 йилги жаҳон чемпионати 20 ноябрдан 18 декабрга қадар Қатарда бўлиб ўтади. Германия терма жамоаси Испания, Япония ва Коста-Рика билан бир гуруҳдан жой олди.
