"Ayntraxt" yarim himoyachisi Mario Gyotse Germaniya terma jamoasining JCH-2022 uchun so‘nggi qaydnomasiga kirish haqidagi his-tuyg‘ulari bilan o‘rtoqlashdi.
“Jahon chempionatida yana ishtirok etishimdan juda xursandman. Flik va uning murabbiylar jamoasi ishonchi uchun minnatdorman. Bu men qilgan barcha mashaqqatli mehnatimning mukofoti ekanligini his qilyapman. Lekin bu mening xotinim, oilam, ajoyib jamoadoshlarim va murabbiylarimsiz amalga oshmaydi. Qo‘llab-quvvatlaganingiz uchun rahmat”, — deb yozdi 30 yoshli futbolchi ijtimoiy tarmoqda.
Eslatib o‘tamiz, Gyotse oxirgi marta Germaniya terma jamoasida 2017 yilda o‘ynagan.
Futbol bo‘yicha 2022 yilgi jahon chempionati 20 noyabrdan 18 dekabrga qadar Qatarda bo‘lib o‘tadi. Germaniya terma jamoasi Ispaniya, Yaponiya va Kosta-Rika bilan bir guruhdan joy oldi.
