«Наполи» ярим ҳимоячиси Хвича Кварацхелия устози Лучано Спалетти ҳақида гапирди.
«Мураббий ҳар доим янада кўпроқ ишлашим кераклигини айтади. У ҳеч қачон бир ерда тўхтамаслик кераклигини таъкидлайди.
Унинг яхши инсоний фазилатларини қайд этмоқчиман. Жамоадаги биринчи кунимдан бери у мен билан кўп гаплашди ва кўп нарсани тушунтирди.
Мен ундан кўп нарсани ўргандим ва футболчи сифатида ўсдим. Аммо олдинда ҳали кўп ишлар бор», - дейди 21 ёшли грузиялик.
Хвича жорий мавсум А Сериянинг 12 ўйинида 6 та гол урди ва 5 та голли узатмани амалга оширди.
