"Реал Мадрид" ва Франция терма жамоаси ҳужумчиси Карим Бензема Қатарда бўлиб ўтадиган жаҳон чемпионати бошланишидан олдин энг яхши спорт формасида бўлишига ишонмоқда.
"Қаймоқранглилар"нинг 34 ёшли сардори бу мавсумда мушакларидаги доимий муаммолар туфайли мунтазам майдонга тушмаяпти, аммо "Олтин тўп" эгасининг ўзи ҳам тан олганидек, у ўз тайёргарлигидан хавотирда эмас. Жаҳон чемпионати арафасида: "Жаҳон чемпионати бошланганда мен яхши формада бўламан. Мен руҳий ва жисмонан тайёрман. Ҳозир бироз ноқулайликни ҳис қиляпман, лекин бу ўтиб кетади", деди форвард.
Жорий мавсумда Карим Бензема “Реал” сафида 12 та ўйинда майдонга тушиб, 6 та гол ва 1 та голли узатмани амалга оширди.
