ПСВ ҳужумчиси Коди Гакпо жорий мавсум охиригача Нидерландия клубида қолишни режалаштираётганини айтди.
"Ўйлайманки, жорий мавсум якунида мен янги қадам ташлашга тайёр бўламан. Назаримда, мавсум бошидаёқ бунга тайёр бўлгандим. "Реал Мадрид", "Барселона", "Манчестер Юнайтед", "Манчестер Сити" ва "Ливерпуль" менга қизиқиш билдиришди. У жамоалардан бирида ўйнаш мен учун шараф бўларди, лекин қайси жамоа менга кўпроқ мос келишини ҳам тушунишим керак", - деди Гакпо.
Олдинроқ "Манчестер Юнайтед" қишда 23 ёшли футболчини 50 миллион евро эвазига сотиб олиши мумкинлиги ҳақида хабарлар тарқалган эди. Шунингдек, Гакпо учун асосий даъвогар "Лидс" ҳисобланади. Битимнинг потенциал суммаси 30 миллион фунтга баҳоланмоқда.
Гакпо жорий мавсумда ПСВ сафида 23 та ўйинда майдонга тушиб, 13 та гол урди ва 17 та голли узатмани амалга оширди. Шартнома 2026 йилнинг ёзига қадар мўлжалланган.
