Ҳуқуқлари Римнинг “Лацио” клубига тегишли бўлган Аргентина U-21 вингери Лука Ромеро Париж клубига ўтиши мумкин.

17 ёшли иқтидор соҳибини таклиф қилиш ташаббускори парижлик гигантнинг юлдузи Лионел Месси ҳисобланади. Лео ўз ҳамюртининг ўйинидан қойил қолган ва уни ҳозирги жамоасида кўришни истайди, деб хабар беради Football Italia.

Ромеро ўтган ёзда "Лацио"га ўтган эди. Рим клуби истиқболли футболчи билан ушбу мавсум якунида тугайдиган меҳнат шартномасини имзолади. Аргентиналик футболчи жорий мавсумда “бургутлар”нинг олтита ўйинида майдонга тушиб, битта гол урди.