«Барселона» ҳужумчиси Рафинья жамоадаги мослашуви ҳақида гапирди.

«Мен мослашиш даврини бошдан кечираётганимни тушунаман, лекин барча турнирларда кўпроқ ўйнашни хоҳлайман. Мен рақобатга қодирман ва ҳеч қачон ютқазмайман», дейди Рафинья Sport.es нашрига.

Футболчи ҳали жамоа ва чемпионатга кўникиши кераклигини, бироқ бу жараённи тезлаштиришда ҳамкорлар катта ёрдам беришини таъкидлади.

Бразилиялик футболчининг фикрича, унинг ўрнида бошқа ҳеч ким бундай клубда ўйин амалиёти йўқлиги сабабли таваккал қилиб, жаҳон чемпионати олдидан «Барселона»га ўтмайди.

Эслатиб ўтамиз, 25 ёшли футболчи ўтган ёзда «Лидс»дан Каталония клубига ўтган эди. Жорий мавсумда у барча мусобақаларда 18 та ўйинда 2 та гол урди ва 4 та голли узатмани амалга оширди.