«Barselona» hujumchisi Rafinya jamoadagi moslashuvi haqida gapirdi.

«Men moslashish davrini boshdan kechirayotganimni tushunaman, lekin barcha turnirlarda ko‘proq o‘ynashni xohlayman. Men raqobatga qodirman va hech qachon yutqazmayman», deydi Rafinya Sport.es nashriga.

Futbolchi hali jamoa va chempionatga ko‘nikishi kerakligini, biroq bu jarayonni tezlashtirishda hamkorlar katta yordam berishini ta’kidladi.

Braziliyalik futbolchining fikricha, uning o‘rnida boshqa hech kim bunday klubda o‘yin amaliyoti yo‘qligi sababli tavakkal qilib, jahon chempionati oldidan «Barselona»ga o‘tmaydi.

Eslatib o‘tamiz, 25 yoshli futbolchi o‘tgan yozda «Lids»dan Kataloniya klubiga o‘tgan edi. Joriy mavsumda u barcha musobaqalarda 18 ta o‘yinda 2 ta gol urdi va 4 ta golli uzatmani amalga oshirdi.