"Лацио" клуби бразилиялик ярим ҳимоячи Фелипе Андерсон билан ҳамкорликни кенгайтиришдан манфаатдор. Бу ҳақда Calciomercato нашри хабар тарқатмоқда.
29 ёшли жанубий америкалик футболчининг Италия клуби билан амалдаги шартномаси 2024 йилнинг ёзида якунига етади. Фелипе “бургутлар” сафида 2021 йилнинг июлидан буён ўйнамоқда.
Андерсон жорий мавсум Италия чемпионтида 15 та ўйинда майдонга тушиб, 3 та гол ва 2 та голли узатмага муаллифлик қилган. Унинг трансфер нархи 15 миллион еврога баҳоланмоқда.
А Сериянинг 15-туридан сўнг “Лацио” 30 очко билан турнир жадвалида тўртинчи ўринни эгаллаб турибди.
