Криштиану Роналдунинг келажаги қоронғилигича қолмоқда. Футболчининг кеча берган шов-шувли интервьюси португалиялик ҳужумчининг қишда “Манчестер Юнайтед”ни тарк этишидан далолат беради.
Daily Mail нашри хабарига кўра, Криштиану Роналдунинг агенти Жорже Мендеш октябрь ойидан бери "Ньюкасл" билан алоқада. Клуб янги хўжайинлар томонидан сотиб олиниши билан клубнинг молиявий имкониятлари ўсди, шунинг учун Роналдунинг "Сент-Жеймс Парк"ка кўчиб ўтиш эҳтимоли жуда юқори.
"Ньюкасл" бу мавсум яхши кўринмоқда. Жаҳон чемпионати билан боғлиқ танаффусга қадар Эдди Хау жамоаси Премьер-лига турнир жадвалида учинчи ўринга чиқиб олди.
