"Наполи" спорт директори Криштиану Жунтоли Италия клуби бир неча йил аввал Эрлинг Холанд билан шартнома имзолаши мумкинлигини айтиб берди.
“Мен нимадан афсусдаман? Холанд. Биз "Ред Булл Зальцбург" билан музокараларни якунлаб, 25 миллион еврога трансфер бўйича келишиб олгандик. Аммо Холанд “Боруссия Дортмунд”ни танлади. Ўшанда биз Холанд ва Осимхенни рўйхатимизнинг юқори қисмига қўйган эдик. Холанд варианти муваффақиятсизликка учрагач, биз Викторга ўтдик", - деди Жунтоли.
22 ёшли норвегиялик футболчи жорий мавсумда “Манчестер Сити” сафида барча турнирлар доирасида 18 та ўйинда майдонга тушиб, 23 та гол урди ва 3 та голли узатмани амалга оширди. Transfermarkt талқинига кўра ҳозирда Холанд энг қиммат футболчи ҳисобланади. Унинг нархи 170 миллион еврони ташкил қилади.