Франциялик ҳужумчи Карим Бензема ҳамон жароҳатини даволамади.
34 ёшли футболчи бу мавсумда «Реал»да мушакларидаги ноқулайлик туфайли тартибсиз ўйнамоқда.
Муаммо «Олтин тўп» соҳибини ҳамон қийнаётган эди. Get French Football News нашрининг ёзишича, Бензема Франция терма жамоасининг тўп билан жамоавий машқларида қатнашмаган, енгил югуриш машқларини бажариш билан чекланган.
Ҳужумчининг ўзи яқинда жаҳон чемпионати бошлангунга қадар оптимал формага киришга улгуришини айтди.
Франциянинг гуруҳ босқичидаги рақиблари Австралия, Дания ва Тунис бўлади.
