Қозоғистон терма жамоаси бош мураббийи Магомед Адиев Ўзбекистонга қарши бўлиб ўтган ўйин борасида ўз фикрлари билан ўртоқлашди.

— Ўйин борасида шогирдларимга эътирозларим бор. Аммо терма жамоа анча вақтдан бери илк марта ўйин ўтказди. Шунинг учун бу нормал ҳолат. Шунга қарамай, тўп назоратида ёмон кўринмадик.

— Ўзбекистон терма жамоасининг қайси футболчиси сизга кўпроқ ёқди?
— Албатта, Элдорни таъкидлаган бўлардим. Иккинчи голда биз учун гол хавфи йўқ эди. У йўқ жойдан голни юзага келтира олди. Шунинг учун ҳам ҳозирда у Италияда ўйнамоқда. Шунингдек, дарвозабонни ҳам тилга олиш керак. У қийин вазиятда Ўзбекистонни голдан қутқарди. Бундан ташқари, Ўзбекистоннинг қанот ҳужумчилар тезкорлиги кўриниб турди. Эътиборлироқ ўйнашимиз керак эди. Ўйлашимча, Ўзбекистон терма жамоасини яхши келажак кутмоқда.