Qozog‘iston terma jamoasi bosh murabbiyi Magomed Adiyev O‘zbekistonga qarshi bo‘lib o‘tgan o‘yin borasida o‘z fikrlari bilan o‘rtoqlashdi.

— O‘yin borasida shogirdlarimga e’tirozlarim bor. Ammo terma jamoa ancha vaqtdan beri ilk marta o‘yin o‘tkazdi. Shuning uchun bu normal holat. Shunga qaramay, to‘p nazoratida yomon ko‘rinmadik.

— O‘zbekiston terma jamoasining qaysi futbolchisi sizga ko‘proq yoqdi?
— Albatta, Eldorni ta’kidlagan bo‘lardim. Ikkinchi golda biz uchun gol xavfi yo‘q edi. U yo‘q joydan golni yuzaga keltira oldi. Shuning uchun ham hozirda u Italiyada o‘ynamoqda. Shuningdek, darvozabonni ham tilga olish kerak. U qiyin vaziyatda O‘zbekistonni goldan qutqardi. Bundan tashqari, O‘zbekistonning qanot hujumchilar tezkorligi ko‘rinib turdi. E’tiborliroq o‘ynashimiz kerak edi. O‘ylashimcha, O‘zbekiston terma jamoasini yaxshi kelajak kutmoqda.