"Саутгемптон" ва "Тоттенхэм"нинг собиқ бош мураббийи Маурисио Почеттино Англия терма жамоасида ишлашга қарши эмаслигини айтди.
Айни дамда 50 ёшли аргентиналик мутахассис жамоасиз бўлиб турибди. Ёзда у "ПСЖ" бош мураббийи лавозимини тарк этганди.
“Албатта, менинг Англия билан муносабатларим ҳар доим жуда яхши бўлган. Академиялар билан муносабатларимиз яхши, терма жамоага ёш футболчиларни етиштиришга ҳаракат қилмоқдамиз. Бу ерда (Англияда) ўзимни жуда қулай ҳис қиламан. Сиз нима бўлишини ҳеч қачон билмайсиз. Мен барча таклифларга очиқман", - дея Почеттинонинг сўзларини келтиради Athletic.
Англия терма жамоасини ҳозирда Гарет Саутгейт бошқармоқда, унинг шартномаси 2024 йилнинг ёзига қадар мўлжалланган. У 2022 йилги жаҳон чемпионатидан кейин жамоани тарк этиши мумкинлиги хабар қилинганди.
