Аргентина терма жамоаси бош мураббийи Лионель Скалони ЖЧ-2022 учун терма жамоанинг якуний таркибида ўзгаришлар бўлиши мумкинлигини айтди.
16 ноябрь, чоршанба куни аргентиналиклар ўртоқлик учрашувида Бирлашган Араб Амирликларини мағлуб этишди (5:0).
"26 нафар футболчидан иборат рўйхат ўзгариши эҳтимоли бор. Кўрайликчи. Бизда 100 фоиз тайёр бўлмаган футболчилар бор. Биз эҳтиёт бўлишни ва улар қандай ривожланаётганини кўришни истаймиз", - деди Скалони Diario Sport нашрига.
ЖЧ-2022 Қатарда 20 ноябрдан 18 декабрга қадар бўлиб ўтади. Аргентина терма жамоаси гуруҳда Саудия Арабистони, Мексика ва Польша билан ўйнайди. Биринчи ўйинда аргентиналиклар 22 ноябрь куни (Тошкент вақти билан 15:00) саудияликлар билан тўқнаш келишади.
