"Барселона"нинг собиқ футболчиси Андрес Иньеста Чемпионлар лигаси ва Ла Лиганинг жорий мавсуми фаворитлари ҳақида гапирди.
"Чемпионлар лигаси фаворитлари? Жуда яхши жамоалар иштирок этадиган турнирда нима бўлишини олдиндан айтиш қийин. Мен "Манчестер Сити" ва "ПСЖ"ни яна ғалаба қозонишга яқин келадиган кучли жамоалар деб биламан. Ажойиб формада бўлган бошқа жамоалар ҳам бор, аммо улар танаффусдан кейин февраль ойида қандай бўлишини билмаймиз. Масалан, "Наполи" гуруҳ босқичини ажойиб ўтказди, аммо кейин нима бўлишини кўрамиз. “Ливерпуль” ва “Реал” ҳам яхши натижаларга эришмоқда.
Ла Лигага келсак, фаворитлар Мадрид ва "Барселона" бўлади, умид қиламанки, "Барса" ғалаба қозонади, чунки акс ҳолда бу уларнинг лойиҳасига бўлган ишончга катта зарба бўлади", - дея Иньестанинг сўзларидан иқтибос келтиради Marca.
Чемпионлар лигасининг 1/8 финалида "ПСЖ" “Бавария” билан, “Манчестер Сити” “Лейпциг” билан, “Наполи” “Айнтрахт”, “Ливерпуль” “Реал” билан ўйнайди.
