«ПСЖ»нинг испаниялик ҳимоячиси Серхио Рамос Globe Soccer Awards томонидан барча даврларнинг энг яхши ҳимоячиси деб топилди.

Маросимда 36 ёшли футболчи совринни қабул қилиб олди.

Шунингдек, фаолияти давомида эришган ютуқлари учун швециялик ҳужумчи Златан Ибраҳимович («Милан»), шунингдек, нафақадаги Уэйн Руни ва Ромарио ҳам мукофотланди.

Менежментдаги муваффақияти учун мукофот италиялик функционер Адриано Галлианига берилди, у аввал «Милан»да, ҳозир эса «Монца»да ишлайди. «Астон Вилла» бош мураббийи Унаи Эмери мураббийлик фаолияти учун мукофот олди.

Эслатиб ўтамиз, Рамос фаолияти давомида «Севилья» ва «Реал»да ҳам тўп тепган. У 2010 йилда Испания терма жамоаси билан жаҳон чемпиони бўлган.