“Барселона” клубининг польшалик ҳужумчиси Роберт Левандовски Испания чемпионатидаги уч ўйинга дисквалификаcия қилингани ҳақидаги қароридан ҳайратда қолди, деб хабар беради Diario Sport.
Футболчи "Осасуна"га қарши ўйинда (2:1) 30-дақиқада иккинчи сариқ карточкани олиб, майдондан четлатилганди. Форвард Тартиб-интизом қўмитаси унинг биринчи огоҳлантиришини бекор қилишига ва шу тариқа уни оқлашига амин эди. Польяк унинг жазоси жуда шафқатсиз бўлганига амин. Каталония клуби футболчини оқлаш ниятида аппеляция берди.
34 ёшли Левандовски жорий мавсумда “Барселона” сафида барча турнирларда 19 та ўйинда майдонга тушиб, 18 та гол урди ва 4 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
