Франция терма жамоаси ва “Ювентус” клуби ярим ҳимоячиси Адрьен Рабио Пол Погбанинг жаҳон чемпионати олдидан берган кўрсатмалари ҳақида гапирди.
"Погба барчамизни руҳлантирди ва шахсан мендан "Ювентус"даги каби ўзимни терма жамоада кўрсатишимни сўради. Бундай муҳим турнирда етакчи бўлиш имкониятим бор. Балки бу бурилиш нуқтаси бўлар", - дея 27 ёшли ярим ҳимоячининг сўзларидан иқтибос келтиради журналист Алфредо Педулла.
Адрьен Рабио Франция терма жамоаси сафида 29 та ўйин ўтказиб, 2 та гол урган. Футболчи “Ювентус” таркибида жорий мавсумда 16 та ўйинда майдонга тушиб, 5 та гол урди.
