Эртага Тошкентдаги "Пахтакор" стадионида Ўзбекистон ва Россия терма жамоалари ўртасида ўртоқлик ўйини бўлиб ўтади. Бугун эса ўйинолди расмий тадбирлари режалаштирилган.
Хусусан, ҳар икки жамоа бош мураббийлари — Сречко Катанец ва Валерий Карпин иштирокида матбуот анжумани режалаштирилган.
Ўзбекистон терма жамоаси бош мураббийи иштирокида матбуот анжумани соат 12:00да бошланса, Карпин 19:30дан бошлаб журналистларнинг саволларига жавоб беради.
Мазкур маросим "Спорт" телеканали орқали жонли эфирда намойиш этилади. Бу ҳақда телеканал режиссёри Хуршид Мирзаҳмедов хабар тарқатди.
