Ertaga Toshkentdagi "Paxtakor" stadionida O‘zbekiston va Rossiya terma jamoalari o‘rtasida o‘rtoqlik o‘yini bo‘lib o‘tadi. Bugun esa o‘yinoldi rasmiy tadbirlari rejalashtirilgan.
Xususan, har ikki jamoa bosh murabbiylari — Srechko Katanes va Valeriy Karpin ishtirokida matbuot anjumani rejalashtirilgan.
O‘zbekiston terma jamoasi bosh murabbiyi ishtirokida matbuot anjumani soat 12:00da boshlansa, Karpin 19:30dan boshlab jurnalistlarning savollariga javob beradi.
Mazkur marosim "Sport" telekanali orqali jonli efirda namoyish etiladi. Bu haqda telekanal rejissyori Xurshid Mirzahmedov xabar tarqatdi.
