"Интер" энди "Манчестер Юнайтед" ҳужумчиси Криштиану Роналдуни сотиб олмоқчи эмас, у қишки трансфер ойнасида ҳозирги жамоасини тарк этиши мумкин, деб хабар беради Sportmediaset.
"Нерадзуррилар" футболчининг маоши юқори бўлгани учун 37 ёшли португалияликни қўлга киритиш ниятида эмас.
18 ноябр куни «Манчестер Юнайтед» Роналду билан шартномани товон пулисиз бекор қилиш жараёнини бошлагани малум бўлди. Шунингдек, раҳбарият португалияликнинг Қатарда бўлиб ўтадиган ЖЧ-2022дан кейин жамоага қайтишини истамаяпти.
Криштиану Роналду жорий мавсумда “Манчестер Юнайтед” сафида 16 та ўйинда майдонга тушиб, 3 та гол урди ва 2 та голли узатмани амалга оширди. Шартнома 2023 йилнинг ёзига қадар мўлжалланган.
