Франция терма жамоаси ҳужумчиси Карим Бензема яна жароҳат олди.

Аввал хабар қилинганидек, шанба куни “Реал” ҳужумчисига биринчи марта терма жамоа таркибида умумий гуруҳда машғулотларда қатнашиш учун рухсат берилди, аммо бу қарор, афтидан, бироз эрта чиқарилганга ўхшайди.

RMC Sport нашри кўра, 34 ёшли футболчи жароҳат туфайли бугунги машғулотларни муддатидан олдин якунлади. "Уч ранглилар" мураббийлари "Олтин тўп" соҳибининг аҳволидан хавотирда ва у бутун турнирни ўтказиб юборишидан жиддий қўрқишади. Мураббийларнинг хавотирига қараганда, Бензема ЖЧни ўтказиб юбориши мумкин.