"Наполи" раҳбарияти Туриннинг "Ювентус" ва "Манчестер Юнайтед" клублари қизиқаётган жанубий кореялик ҳимоячи Ким Мин Чже билан хайрлашишни режалаштирмаяпти.
Фабрицио Романонинг ижтимоий тармоқлар орқали хабар беришича, неаполликлар 26 ёшли осиёлик билан шартномани узайтирмоқчи. Томонлар ўртасидаги амалдаги шартнома муддати 2025 йилнинг ўрталаригача ҳисобланган.
Италия чемпионатининг жорий мавсумида ҳимоячи 14 та учрашувда қатнашиб, иккита гол урди ва иккита сариқ карточка олди.
А Сериянинг 15-туридан сўнг “Наполи” иккинчи ўриндан 8 очколик фарқ билан турнир жадвалида пешқадамлик қилмоқда.
