"Рома" ҳимоячиси Эрик Карсдорпга "Ювентус" ва "Марсель" қизиқиш билдирмоқда. Клублар аллақачон 27 ёшли нидерландиялик футболчининг трансфери бўйича сўровларни юборишган, деб ёзади журналист Николо Скира.
Олдинроқ нидерландиялик футболчининг "бўрилар" бош мураббийи Жозе Моуриньо билан муносабатлари бутунлай издан чиққани, у январда жамоани тарк этишга тайёрлиги ҳақида хабар берилганди.
Аввалроқ португалиялик мураббий футболчилардан бири “жамоага хиёнат қилгани” ва унга янги клуб излаш кераклигини айтганди.
Карсдорпнинг "Рома" билан шартномаси 2025 йилгача мўлжалланган. Transfermarkt портали футболчининг нархини 9 миллион еврога баҳоламоқда.
У жорий мавсумда “Рома” сафида барча мусобақаларда 11 та ўйинда майдонга тушди.