Дортмунднинг "Боруссия" клуби ҳужумчи Юссуф Мукоко билан шартномани узайтирмоқчи, деб хабар беради Sport1.
Немис клуби 18 ёшли ҳужумчига йилига тахминан 5 миллион евро маош оладиган янги шартнома таклиф қилди.
Музокаралар ҳужумчи Германия терма жамоасида ўйнайдиган ЖЧ-2022 якунланганидан кейинги даврга мўлжалланган.
Аввалроқ, Мукокони «Барселона», «Манчестер Юнайтед», «Ливерпуль», «ПСЖ» ва «Манчестер Сити» клублари кузатиб бораётгани хабар қилинганди. Футболчининг дортмундликлар жамоаси билан амалдаги шартномаси жорий мавсум охиригача амал қилади.
Жорий мавсумда ёш форвард Дортмунднинг “Боруссия” клуби сафида 21 та ўйин ўтказиб, 6 та гол урди ва 6 та голли узатмани амалга оширди.
