Уэльс терма жамоаси ҳужумчиси Гарет Бэйл Уэльс терма жамоасининг 64 йил ичида жаҳон чемпионатидаги илк голини урди.
ЖЧ-2022 гуруҳ босқичининг 1-тур учрашувида Бэйл АҚШ дарвозасига тўп киритди (1:1). Уокер Циммерман томонидан жарима майдончасида йиқитилган вазиятда белгиланган пенальтини голга айлантирди.
Ушбу ўйингача Уэльс терма жамоаси сўнгги бор 1958 йилда Швецияда бўлиб ўтган жаҳон чемпионатида гол урганди.
Уэльснинг кейинги ўйини Эронга қарши бўлади. Учрашув 25 ноябрь куни Тошкент вақти билан соат 15.00 да бўлиб ўтади.