Криштиану Роналду энди "Манчестер Юнайтед" футболчиси эмас. Сешанба оқшомида клуб ўзаро келишув асосида португалиялик юлдуз билан шартномани бекор қилганини эълон қилди.
Агар ЖЧ-2022 учун барча жамоаларнинг қайдномаларига эътибор қаратсангиз, у ҳолда Криштиану Роналду клубга эга бўлмаган ягона футболчига айланди.
Криштиану Роналду жаҳон чемпионатидан кейин янги клуб излайди. Айни пайтда форвард фақат Португалия терма жамоасида ўйнаш ҳақида ўйлайди.
Португалия ЖЧ-2022даги илк учрашувини 24 ноябрь куни Ганага қарши ўтказади. Гуруҳ босқичида португалларни Уругвай ва Жанубий Кореяга қарши ўйинлар кутмоқда.
