"Барселона"нинг тажрибали ҳимоячиси Жорди Альба "Атлетико"нинг қизиқишлари доирасида.
El Nacional нашри хабарига кўра, Мадрид клуби яқин келажакда 33 ёшли футболчини қўлга киритишга ҳаракат қилиши мумкин. "Матрасчилар" ҳозирда ёзда Англиянинг "Ноттингем Форести" клубига кўчиб ўтган Ренан Лоди ўрнига ўринбосар қидирмоқда.
Қайд этилишича, "Барселона" унинг ёшини инобатга олган ҳолда Жорди Альба билан хайрлашишга тайёр. Ҳимоячининг Каталония клуби билан амалдаги шартномаси 2023/2024 йилги мавсум охиригача амал қилади.
Тransfermarkt портали Жорди Альбани 5 миллион еврога баҳоламоқда.
