Англия терма жамоаси дарвозабони Жордан Пикфорд ҳужумчи Харри Кейннинг ҳолати ҳақида маълумот берди.
Эслатиб ўтамиз, 29 ёшли ҳужумчи ЖЧ-2022 1-тури доирасидаги Эронга қарши ўйинда (6:2) жароҳат олган эди.
"Кейн яхши ҳаракат қилмоқда, аммо у ҳали ҳам бироз ноқулайликни бошдан кечирмоқда. Бугун у жамоа билан машғулот ўтказди, ҳаммаси яхши", - дея Пикфорддан иқтибос келтиради Sky Sports.
Дарвозабон Кейнни алмаштириб бўлмас футболчи деб ҳисобламаслигини, сўнгги ўйинда унинг ўрнига майдонга тушган Каллум Уильсонни яхши ўйин намойиш этганини таъкидлади. Шу билан бирга, Пикфорд Кейн терма жамоа етакчиси ва сардори эканлигини, бутун жамоа унга қараб туришини айтиб ўтди.
Олдинроқ ҳужумчи жиддий жароҳатдан қутулиб қолгани маълум бўлганди, бироқ унинг ЖЧнинг 2-турида АҚШга қарши (25 ноябрь) ўйинида иштирок этиши сўроқ остида қолмоқда.
