"Ювентус" ярим ҳимоячиси Адриен Рабьонинг онаси ва агенти Турин клуби билан ўғлининг маошини ошириш бўйича музокаралар олиб бориш ниятида, дея хабар беради журналист Николо Скира.
У янги шартномага кўра, футболчининг маоши йилига 10 миллион еврога кўтарилишини истамоқда.
Эслатиб ўтамиз, франциялик футболчи ҳозирда 7 миллион евро ва 2 миллион турли бонуслар олмоқда.
27 ёшли Рабьонинг туринликлар билан амалдаги шартномаси 2023 йилнинг ёзига қадар амал қилади.
Италия А Сериясининг жорий мавсумида ярим ҳимоячи 11 та ўйин ўтказиб, 3 та гол урди ва 2 та голли узатмани амалга оширди.
