14 карра олимпиада чемпиони, АҚШлик афсонавий сузувчи Майк Фелпс бугун 400 метрга комлекс усулда сузиш бўйича медаллардан қуруқ қолганидан хабарингиз бор.
Бугун ўтказилган финалда машҳур сузувчи ўзининг ҳамюрти Райан Лохтедан анча ортда қолиб кетгани етмагандек, маррага тўртинчи бўлиб етиб келди ва бронза медалдан ҳам қуруқ қолди.
Финал якунлангач, афсонавий спортчи, ўзидан жуда ҳафа бўлганини айтиб ўтди.
"Бу расво сузиш булди. Очиғи дастлабки 200 метрдан сўнг барчаси кўнгилдагидек кетаётганини ҳис қилдим. Аммо, кейинчалик нималар бўлганини билмайман. Рақибларим мендан кўра кучлироқ ва аққлироқ эканликларини исботлашди. Шунинг учун ҳам улар шоҳсупада туришибди", дейди Фелпс.
"Мен ҳафаман, аммо энди ортга қарамайман ва фақат олдингa қараб интиламан. Олдинда ҳали яна бир нечта финаллар кутиб турибди. Олимпиадани кутганимдек якунлашга ҳаракат қиламан", дея Фелпснинг сўзларидан парча келтирмоқда ESPN.
