“Штутгарт” ҳимоячиси Борна Соса “Аталанта”нинг қизиқиш доирасига тушиб қолган, дея хабар беради журналист Николо Скира.
Томонлар аллақачон трансфер бўйича дастлабки музокараларни олиб боришган.
2020/21 йилги мавсум бошидан бери Соса чап қанот ҳимоячиси сифатида Бундеслигада 22 та голли узатмани амалга оширди.
Олдинроқ "Бавария" Альфонсо Дэвис ва Люка Эрнандеснинг жароҳати туфайли хорватиялик футболчини сотиб олиши мумкинлиги ҳақида хабарлар тарқалган эди.
24 ёшли хорватнинг “Штутгарт” билан шартномаси 2025 йилгача мўлжалланган. Transfermarkt портали футболчининг нархини 20 миллион еврога баҳоламоқда.
