Айни кунларда Исроил давлатида шахмат бўйича ФИДE жамоалар ўртасидаги жаҳон чемпионати давом этмоқда. Ўзбекистон терма жамоаси кеча чорак финалда Украинага қарши дона суриб, 2та тўқнашувда 3-1 ва 2,5-1,5 ҳисобида рақибидан устун келди.

Йигитларимизга ярим финалда Ҳиндистон рақиб бўладиган бўлди. Ҳиндлар кеча чорак финал босқичи доирасида Франция билан тўқнаш келишди. Улар ўртасидаги дастлабки 2та тўқнашувда томонлар бир мартадан 3:1 ҳисобида ғалаба қозонишди. Ғолибни аниқлаш учун жамоалар ўта тезкор ўйинда иштирок этишди. Унда осиёликлар 2,5:1,5 ҳисобида ғалаба қозонишди ва кейинги босқичга йўл олишди.

Ўзбекистон гуруҳ босқичида Ҳиндистон билан тўқнаш келиб, 3.5 — 0.5 ҳисобида устун келишганди. Умид қиламиз, бу сафар шахматчиларимиз бу рақибни мағлуб этиб, финал йўлланмасини қўлга киритишади.

Иккинчи ярим финалда эса Хитой ва Испания терма жамоалари ўзаро баҳслашишади.