Франция терма жамоаси ва Мюнхеннинг “Бавария” клуби ҳимоячиси Люка Эрнандес Инсбрук шаҳрида тиззасидан муваффақиятли операция қилинди.
"Bayern & Germany" твиттер аккаунти хабарига кўра, 26 ёшли футболчи жарроҳлик амалиётидан ўтган ва яқин кунларда Мюнхенда реабилитация бошланади. Қайта тиклаш муддати эълон қилинмаган.
Эслатиб ўтамиз, Эрнандес ЖЧ-2022 доирасида Австралияга (4:1) қарши ўйиннинг 13-дақиқасида жароҳат олган эди. Кейинчалик маълум бўлишича, ҳимоячининг ўнг тиззасининг олдинги хоч боғлами ёрилиб кетган ва у бундан буён Қатардаги турнирда иштирок этмайди.
