Камерун терма жамоаси дарвозабони Андре Онана Қатарда бўлиб ўтадиган жаҳон чемпионатида иштирок этаётган жамоасини ташлаб кетди, деб хабар беради La Gazette Dello Sport.
Қайд этилишича, 26 ёшли дарвозабон, терма жамоа устози Ригоберг Сонг ва Самуел Это'О бошчилигидаги Камерун футбол федерацияси билан муросага кела олмаган.
Онана ЖЧ-2022 гуруҳ босқичининг Сербияга қарши ўйини (3:3) олдидан жамоа қайдномасидан олиб ташланди. Камерун футбол федерацияси бу қарорни қўллаб-қувватлади ва терма жамоада ўйнашда интизом ва масъулият зарурлигини таъкидлади.
Кейинги ўйинда серблар 2 декабрь куни швейцарияликлар билан, шу куни камерунликлар бразилияликлар билан тўқнаш келишади.
