"Интер" ҳужумчиси Эдин Жеко Милан клуби билан шартномасини бир йилга узайтириши мумкин. Бироқ томонлар янги келишув суммаси борасида келиша олмаяпти, деб хабар беради La Gazette Dello Sport.
“Интер” янги шартнома имзолашга тайёр, бироқ Жеконинг маоши мавсум учун 5,5 миллион евродан 3 миллион еврогача камайиши керак (+ бонуслар).
36 ёшли футболчининг ўзи Миланда қолмоқчи, аммо маошини жиддий қисқартиришга тайёр эмас. Унинг амалдаги шартномаси 2023 йилнинг ёзида якунига етади.
Жорий мавсумда у жамоа сафида барча турнирларда 18 та ўйин ўтказиб, 6 та гол урди ва 3 та голга ассистентлик қилди.
