"Тоттенхэм" Дензел Дюмфрис трансфери бўйича "Интер" билан алоқага чиқди, деб хабар берди 90min.
Манбага кўра, Италия клуби оғир молиявий аҳволини енгиллаштириш учун ўйинчиларни сотишга муҳтож ва "шпорлар" ўз ҳимоясини кучайтириш учун улар билан боғланишган.
Қайд этилишича, “Тоттенхэм” Дюмфриесга жой бўшатиш учун январ ойида Эмерсон Роял ёки Метт Доэртини сотиши мумкин.
Олдинроқ "Интер" 26 ёшли футболчини 60 миллион евро эвазига сотишга тайёр экани хабар қилинганди.
2022/23 йилги мавсумда Дюмфрис клуб сафида барча мусобақаларда 20 та ўйинда майдонга тушиб, 2 та гол урди ва 3 та голли узатмани амалга оширди. Унинг шартномаси 2025 йилнинг ёзига қадар мўлжалланган.
