"ПСЖ" президенти Носир Ал-Хелайфи инвесторларга миноритар улушларни сотиш режалари ҳақида гапирди.
"Кеча мендан: "Жаҳон чемпионатидан кейин "ПСЖ"ни сотишингиз ростми?, деб сўрашди. Мен жавоб бердим: "Йўқ, йўқ. Фақат инвестициялар учун - 5, 10, 15% акцияларни сотаман. Дарҳақиқат, буни хоҳлайдиганлар кўп. Биз иккита нарсани кўриб чиқамиз: инвестор ва стратегик шерик, иккинчи қисм эса энг муҳими. Агар бу ташкилот клубнинг ўсишига ёрдам бера олса, буни ўйлаб кўрамиз. Гап кўп ёки камроқ пул сарфлаш ҳақида эмас, балки брендни, тажрибамизни, бизнесимизни ривожлантириш ҳақида.
Биз узоқ муддатга шу ердамиз. Клубни қандай ривожлантириш ҳақида ўйлаяпмиз. Клуб учун нима яхши? Мен унинг бирон бир қисмини сотмоқчи эмасман. Лекин бу клуб манфаати учун бўлса, бунга йўқ демайман. Бизга кўпроқ қиймат келтирадиган одам керак", - дея Ал-Хелайфи сўзларини келтиради Get French Football News.
