ФИФА Франциянинг ЖЧ-2022 ўйинида Тунис дарвозасига киритган голини ҳисоблашдан бош тортди.
“Халқаро федерация интизом қўмитаси Франция футбол федерациясининг 30 ноябрь куни бўлиб ўтган жаҳон чемпионати ўйини юзасидан эътирозини рад этди”, — дейилади хабарда.
Франциялик ҳужумчи Антуан Гризманн иккинчи бўлимга қўшиб берилган 8-дақиқасида Тунис дарвозасига гол урди. Бош ҳакам Мэттью Конджер финал ҳуштагини чалиб бўлганди, бироқ шундан сўнг у ВАРни кўришга кетди. ВАРни кўриб чиқиш натижасида Конджер оффсайд ҳолати туфайли голни бекор қилди ва Франция 0:1 ҳисобида мағлуб бўлди.
